விநோதக் கொண்டாட்டம்: மண்குளியல் மகத்துவம்!

உலகில் விசித்திரமான பல விழாக்கள் கொண்டாடப்பட்டாலும் ஆரோக்கியமும் இயற்கையும் இயைந்த விழாக்கள் கொண்டாடப்படுவது அரிதுதான். அந்த வகையில் தென்கொரியாவில் ஆண்டுதோறும் நடைபெறும் ‘போரியாங் மண் திருவிழா' பிரசித்திப் பெற்றதும் விநோதமானதும்கூட.

மண்குளியலுக்கு நம்முடைய ஆயுர்வேதத்தில் முக்கிய இடமுண்டு. அதுபோலவே சேற்று நீரில் முங்கிக் குளித்து, அந்த மண்ணை ஒருவர் மேல் இன்னொருவர் வாரி இறைத்து விளையாடும் விழா இது. தென் கொரியாவில் இந்த விழாவை 10 நாள்கள் விமரிசையாகக் கொண்டாடித் தீர்க்கிறார்கள்.