அனுபவம் புதிது: இது ‘அட்டப்பாடி’ கலை!

மேற்கு மலைத்தொடரில் கேரளத்தின் பாலக்காடு மாவட்டத்தில் வீற்றிருக்கும் ஓர் அழகான பகுதி அட்டப்பாடி. இந்தக் காட்டுப் பகுதியில் மின்மினிப் பூச்சிகளின் மினுமினுப்புக்கு நடுவே கலைப் படைப்புகளை உருவாக்கி அசத்தியுள்ளனர் மூன்று இளம் படைப்பாளிகள்.

பொதுவாக நான்கு சுவர்களுக்குள் நடத்தப்படும் கலை அலங்காரப் பட்டறையைப் போல் அல்லாமல், இயற்கையோடு சேர்ந்து காட்டுப் பகுதியில் கலை அனுபவத்தை நிகழ்த்தி, புதுமையான முயற்சிக்கு முன்னுரை எழுதியிருக்கிறார்கள் இவர்கள்.