18,000 உறுப்பினர்கள், 900 போட்டோ வாக், 10வது கண்காட்சி!

சென்னை லலித் கலா அகாடமியில் ‘சென்னை வீக்கெண்ட் கிளிக்கர்ஸ்’ குழுவைச் சேர்ந்தவர்கள் பிரம்மாண்ட ஒளிப்படக் கண்காட்சியை அரங்கேற்றியுள்ளனர். கண்களுக்கு விருந்தளிக்கும் இந்த ஒளிப்படக் கண்காட்சியில் 200க்கும் மேற்பட்ட படைப்புகள் இடம் பெற்றுள்ளன.

யார் இந்த ‘வீக்கெண்ட் கிளிக்கர்ஸ்?’ - சென்னையில் 2009இல் இரண்டு ஒளிப்படக்காரர்கள் சேர்ந்து தொடங்கியதுதான் ‘சென்னை வீக்கெண்ட் கிளிக்கர்ஸ்’ குழு. இக்குழுவில் தற்போது 18,000க்கும் அதிகமானோர் உறுப்பினர்களாக உள்ளனர். ஒளிப்படங்கள் எடுப்பதில் ஆர்வமிருக்கும் யார் வேண்டுமானாலும் இக்குழுவில் சேர்ந்து பயணிக்கலாம். வயது ஒரு தடையே இல்லை.