ஓவியக் கூடமாகும் உடல்!

உடல் பாகங்களில் ஆசையாகத் தீட்டிக்கொள்ளும் டாட்டூகளையே விஞ்சிவிட்டன ‘பாடி ஆர்ட்’ எனப்படும் உடல் ஓவியக் கலை. ஒட்டுமொத்த உடலையும் வண்ணமயமான ஓவியக்கூடமாக்கி அசத்துகிறார்கள் இந்தக் காலத்து இளைய தலைமுறையினர். ‘பாடி ஆர்ட்’டும் பார்ப்பதற்கு டாட்டூ போலவேதான் இருக்கிறது.

ஆனாலும், இது டாட்டூ வகையைச் சார்ந்தது அல்ல. உடல் பாகங்களில் வரையப்படும் டாட்டூ நிரந்தரமாக இருக்க வாய்ப்பு உண்டு. ஆனால், ‘பாடி ஆர்ட்’ தற்காலிகமாகத்தான் உடலில் இருக்கும். எனவே, இளைய தலைமுறையினர் மத்தியில் இதன் மீதான ஆர்வம் அதிகரித்துக்கொண்டே செல்கிறது.