பொங்கலை வெளுத்துக் கட்டு!

பொங்கல், கரும்பு, விடுமுறை குதூகலம், ஜல்லிக்கட்டு இவற்றைத் தாண்டி பாரம்பரிய உடைகளும் இன்றைய இளைய தலைமுறையினரின் பொங்கல் விருப்பப் பட்டியலில் சேர்ந்துவிட்டன. எப்போதும் ஜீன்ஸ் சகிதம் காட்சியளிக்கும் இளைஞர்கள் அன்றைய தினம் ‘அரும்பாடுபட்டு’ வேட்டிக்கு மாறிவிடுகிறார்கள். விதம்விதமாக மாடர்ன் உடைகளில் வலம் வரும் யுவதிகளும் பாரம்பரிய உடையான பாவாடை தாவணி, சேலைக்குத் தாவிவிடுகிறார்கள். இந்த ஆண்டு பொங்கலை எப்படிக் கொண்டாடப் போகிறீர்கள் என்று சிலரிடம் கேட்டோம்.