அடுத்த யுவராஜ் சிங் யார்?

உலகக் கோப்பை கிரிக்கெட் அணியில் இடம்பிடிக்க வேண்டும் என்பது தேசிய அணியில் இடம்பெறும் ஒவ்வொரு வீரரின் லட்சியமாக இருக்கும். ஆனால், அந்த வாய்ப்பு எல்லோருக்கும் கிடைத்துவிடாது. அக்டோபரில் இந்தியாவில் தொடங்க உள்ள உலகக் கோப்பை கிரிக்கெட் தொடருக்கு இன்னும் சில வாரங்களே உள்ள நிலையில், அதற்கு முன்பாக நடைபெறும் ஆசியக் கோப்பைத் தொடரில் 20 வயதான திலக் வர்மாவுக்கு வாய்ப்பு கிடைத்திருப்பது கவனிக்க வைத்துள்ளது.

யுவராஜ் சிங்கிற்குப் பிறகு ஒரு நாள் கிரிக்கெட்டில் 4ஆவது இடத்தில் விளையாட சரியான நபர் கிடைக்கவில்லை என்ற ஆதங்கத்தை கேப்டன் ரோஹித் சர்மா அண்மையில் வெளிப்படுத்தியிருந்தார். இது உண்மையும்கூட.