சென்னை வாரம்: சென்னையின் வேரைத் தேடும் இளைஞர்கள்!

பிரிட்டிஷ் ஆட்சிக் காலத்தில் மதராஸப்பட்டினமாக வளர்ந்த சென்னையின் வரலாறும் வளர்ச்சியும் பிரம்மாண்ட மானவை. சென்னையின் வரலாற்றுக் கதைகள் அதிக சுவாரசியம் நிறைந்தவை. தேடத் தேட ஆச்சரியமான தகவல் கொட்டிக் கிடக்கும் ஊர் இது. என்றாலும், இந்த ஊரின் அறியப்படாத பக்கங்களும் இருக்கவே செய்கின்றன.

அவற்றை ஆவணப்படுத்தியும் மக்களிடம் விழிப்புணர்வு ஏற்படுத்தவும் ‘ஹெரிடேஜ் வாக்’ என்றழைக்கப்படும் ‘மரபு நடை’யை ஒருங்கிணைத்து வருகிறார் கட்டடக்கலை நிபுணரும் எழுத்தாளருமான திருபுரசுந்தரி செவ்வேள். ‘நம் வீடு, நம் ஊர், நம் கதை’ என்கிற தன்னார்வ அமைப்பையும் நிறுவி, சென்னையின் அடையாளங்களை இவர் பதிவுசெய்தும் வருகிறார்.