நளி நாட்டியம்: சும்மா சிரிக்கத்தான்| ஃபுட் விளாகர் எனும் புதிய பகாசுரன்கள்

அண்மையில் ஓ.டி.டி.யில் வெளியான சென்னை ஆந்தாலஜியின் ‘மாடர்ன் லவ்’முதல் பகுதியான ‘லாலாகுண்டா பொம்மைக’ளில், பானிபூரி கடையைப் பற்றி ஒரு ஃபுட் விளாகர் (Food Vlogger) ஒருவர் லைக்ஸ், கமென்ட், ஷேருக்காக அடித்துவிடும் பொய்யால் அந்த ஏரியாவே ரகளையாகிவிடும். ஃபுட் விளாகர்கள் பலர் சுடும் ‘வடை’கள் எல்லாமே அப்படிப்பட்ட ரகங்கள்தான்.

மனிதனின் மிகப்பெரிய எதிரியும் நண்பனும் நாக்குகள்தாம். ஓர் உணவின் சுவையை வரவேற்பதில் நாக்குகளே முதன்மையானவை. ஒருவர் வெளியூருக்கோ வெளிநாட்டுக்கோ செல்லும் முன் அந்தந்த ஊர்களின் முக்கியமான உணவு வகைகளைப் பற்றி அறிந்துகொள்கிறார்.