உலகப் புத்தக நாள் 2023: கற்றுத் தரும் புத்தகங்கள்

சினிமா எனும் கலை: பல்வேறு சிறு நாடுகளில்கூட சினிமா, கலையாக மாறி உலகின் கவனத்தை அவர்களின் பக்கம் திருப்பியிருக்கிறது. உதாரணம், ஈரான். ஆனால் இந்தியாவின் வளர்ச்சி பெற்ற மாநிலங்களில் ஒன்றான தமிழ்நாட்டில், சினிமா ஏன் கலையாக மாறாமல் இருக்கிறது என்கிற கேள்வியின் பின்னாலுள்ள காரணங்களைக் கூர்ந்து அவதானித்து அலசுகிறது இக்கட்டுரைத் தொகுப்பு.

தற்காலத் தமிழ் சினிமாவின் போக்கினை திரை விலக்கிக் காட்டும் 68 கட்டுரைகள் இடம்பெற்றுள்ளன. கலையையும் வணிகத்தையும் ஒரு புள்ளியில் இணைத்து நல்ல சினிமாவைக் கொடுக்க விரும்பும் யாரும், தமிழ் ஸ்டுடியோ அருண் எழுதியுள்ள இந்நூலிலிருந்து கற்றுக்கொள்ளலாம்.