95 வது ஆஸ்கர் விருதுகள்: இசைக்காக மூன்றாவது ஆஸ்கர் வசப்படுமா?

சர்வதேச அளவில் திரைத்துறைக்கு என்று பல விருதுகள் புகழ்பெற்றுள்ளன. இருப்பினும் ஆஸ்கர் விருதே இன்றளவும் உயர்வானதாகக் கருதப்படுகிறது. 2023ஆம் ஆண்டுக்கான 95ஆவது ஆஸ்கர் விருது வழங்கும் நிகழ்வு, நாளை மறுநாள் (மார்ச் 12) அமெரிக்காவின் லாஸ் ஏஞ்சலஸ் நகரில் நடைபெறவுள்ளது.

இறுதிப் பரிந்துரைப் பட்டியலுக்கு முந்தைய தகுதிப் பட்டியலில் எப்போதும் இல்லாத வகையில் 10 இந்தியத் திரைப்படங்கள் இடம் பெற்றன. அவை ‘ஆர்ஆர்ஆர்’, ‘கங்குபாய் கத்தியவாடி', ‘தி காஷ்மீர் ஃபைல்ஸ்’, ‘காந்தாரா’, ‘இரவின் நிழல்’, ‘செல்லோ ஷோ’, ‘மீ வசந்த் ராவ்’, ‘தி நெக்ஸ்ட் மார்னிங்’, ‘விக்ராந்த் ரோனா’, ‘ராக்கெட்ரி’ ஆகியன.