திரை (இசைக்) கடலோடி 23 | எம்.ஜி.ஆரை மீட்டெடுத்த தேவர்!

மனிதனின் அடைப்படைத் தேவைகளை மூன்றாக வகுத்து உண்ண உணவு, உடுக்க உடை, இருக்க இடம் என்று வரிசைப்படுத்தும்போது அவற்றில் முதலிடம் உணவுக்குத் தான்.

அந்த உணவை ஒவ்வொரு மனிதனுக்கும் தானே வந்து உருவாக்கித் தர முடியாது என்பதற்காக கடவுள் என்னும் முதலாளி கண்டெடுத்த தொழிலாளி தான் மண்ணிலே முத்தெடுத்து பிறர் வாழ வழங்கும் குணமுடைய விவசாயப் பெருங்குடி மக்கள். அந்த உழவர் பெருமக்களின் சிறப்பை விளக்கும் வண்ணம் 1967ஆம் ஆண்டு தீபாவளி வெளியீடாக வந்த திரைப்படம் தான் தேவர் பிலிம்ஸின் 'விவசாயி'.