பத்து ஆண்டுகளின் ரத்தினங்கள்!

பேசாப் பொருளைப் பேசி, பொதுவெளியில் உரையாடலை ஊக்குவித்த படங்கள், 2011 முதல் 2020 வரையிலான பத்து ஆண்டுகளில் குறிப்பிடத்தக்க அளவில் வெளிவந்திருக்கின்றன. ‘திரைப்படம் இயக்குநரின் மீடியம்’ என உணர வைத்த அப்படைப்புகளைப் பற்றிய சுருக்கமான பார்வை இது:

2011 - ஆரண்ய காண்டம்: சிறந்த புதுமுக இயக்குநர், சிறந்த படத்தொகுப்பு என இரண்டு தேசிய விருதுகளால் அங்கீகரிக்கப்பட்ட ‘ஆரண்ய காண்டம்’ வணிக ரீதியாக வெற்றிபெறவில்லை. படம் வெளியானதே தெரியாமல் போனதால், படத்துக்கு விமர்சனங்கள் வெளிவரத் தொடங்கிய பிறகு பார்வை யாளர்கள் தேடத் தொடங்கியபோது அது பெட்டியில் முடங்கியிருந்தது.