கோலிவுட் ஜங்ஷன்: கிராமிக்குச் செல்லும் ராஜாவின் இசை!

இளையராஜா இசையமைத்துள்ள ‘எ பியூட்டிஃபுல் பிரேக் அப்’, ஓர் ஆங்கில ரொமாண்டிக் த்ரில்லர் படம். அஜித்வாசன் உக்கினா எழுதி, இயக்கியிருக்கும் இப்படத்தில் க்ரிஷ் முத்ரகடா, மேடில்டா ஆகியோர் முதன்மைக் கதாபாத்திரங்களில் நடித்துள்ளனர்.

மொழி, கலாச்சாரம் கடந்து, காதலில் இணையும் ஜோடியாக வருகிறார்கள். படத்தில் இடம்பெற்றுள்ள ‘கம் ஃப்ரீ மீ’ பாடல், உலக இசை தினமான ஜூன் 21இல் வெளியாகி, ராஜாவின் தமிழ், இந்திய ரசிகர்களோடு மேற்கத்திய ரசிகர்களையும் கவர்ந்துவருகிறது.