திறமையின் கதவைத் திறந்திருக்கிறேன்!

கேரள அரசின் திரைத் துறை விருதுகளில், சிறந்த திருநர் நடிகருக்கான விருதுக்குத் தமிழகத்தைச் சேர்ந்த திருநங்கை நேஹா தேர்ந்தெடுக்கப்பட்டிருக்கிறார். இந்தாண்டு அறிமுகப்படுத்தப்பட்டுள்ள இந்தத் திருநர் பிரிவில், முதல் விருதை வாங்கியவர் என்ற பெருமையையும் நேஹா பெறுகிறார். அண்மையில் ஓடிடி தளத்தில் அபிஜித் இயக்கத்தில் வெளியான `அந்தரம்' மலையாளப் படத்துக்காக இந்த விருது அவருக்கு அறிவிக்கப் பட்டுள்ளது.

தொலைக்காட்சி நிகழ்ச்சித் தொகுப்பாளராகவும், சில குறும்படங்கள், இணையத் தொடர்களிலும் நடித்திருக்கிறார் நேஹா. இவர் நடித்த `மனம்' என்னும் குறும்படம் பலரின் கவனத்தைக் கவர்ந்தது.