மாஸ்கோவின் வாழ்த்துகள்! - குட்டி ரேவதி நேர்காணல்

உலகப் புகழ்பெற்ற மாஸ்கோ பிரிக்ஸ் ( BRICS) சர்வதேசத் திரைப்பட விழா 2024 இல், மூன்று தமிழ்த் திரைப்படங்களும் ஒரு தமிழ் குறும்படமும் திரையிடத் தேர்வு செய்யப்பட்டிருப்பது இதுவே முதல் முறை. அவை இயக்குநர் ராமின் ‘ஏழு மலை ஏழு கடல்’, எழுத்தாளர், இயக்குநர் குட்டி ரேவதியின் ‘கோடை இருள்’, உதயராஜ் இயக்கியிருக்கும் ‘காடு பூத்த வீடு’, சாய் பிரவின் இயக்கியிருக்கும் குறும்படமான ‘பிம்பம்’.

இவை அனைத்துமே ரஷ்யப் பார்வையாளர்களின் பாராட்டுகளைப் பெற்றுள்ள நிலையில் தொலைபேசி வழியாக நம்முடன் உரையாடினார் குட்டி ரேவதி. மருத்துவர், கவிஞர், பாடலாசிரியர், இதழாளர், இயக்குநர் எனப் பன்முகத் திறமையாளரான அவர் மாஸ்கோவிலிருந்து இந்து தமிழ் திசைக்கு அளித்த பேட்டியின் ஒரு பகுதி: