சினிமா ரசனை 2.0 - 22: அறிவியல் புனைவின் உச்சம்!

உலகில் இதுவரை விவாதிக்கப் பட்டுள்ள மொத்த ‘சைன்ஸ் ஃபிக்‌ஷன்’ கருத்துகளையும் ஒரே சீரீஸுக்குள் வைத்தால் எப்படி இருக்கும்? அப்படி வைக்கும்போது எல்லா எபிசோடுகளும் பரபரவென்று வேகமாகச் சென்றால்? தவிர, உலகின் பிரம்மாண்ட இயக்குநர்களில் ஒருவர் தனது மேற்பார்வையில் அதை உருவாக்கியிருந்தால்? அதில் உலகின் மிகச்சிறந்த தியேட்டர் நடிகர்களில் ஒருவர் முக்கியமான கதாபாத்திரம் ஏற்று நடித்திருந்தால்? இத்தனை சிறப்பு அம்சங்களுக்கும் தகுதி வாய்ந்த ஒரே சீரீஸ்தான் ‘ஃப்ரிஞ்ச்’ (Fringe). 2008 முதல் 2013 வரை ஐந்து சீசன்களாக வெளியான சீரீஸ். உலகெங்கும் பாராட்டப்பெற்றதும்கூட.