எழுதுவது எளிது.. இயக்கம் கஷ்டம்- இயக்குநர் சுகுமார் நேர்காணல்

தமிழ், தெலுங்கில் சூப்பர்ஹிட்டான நான்லீனியர் படங்கள் நிறைய உள்ளன. சொல்வதை ஒழுங்காகச் சொன்னால் போதும், மக்களுக்குப் புரிந்துவிடும். சொல்லும் முறையில் தவறு செய்துவிட்டு, ரசிகர்கள் மீது பழி போடக்கூடாது. ரசிகர்களுக்குப் புரியவில்லை என்றால் என் திரைக்கதையில் தவறு இருக்கிறது என்று அர்த்தம். அது என் பொறுப்புதான்.

அது அற்புதமான திரைக்கதை என்ற பாராட்டு கிடைத்தது. ஆனால் அது ரசிகர்களைப் போய்ச் சேரவில்லை. எனவே, ஒரு கதாசிரியனாக அது என் தோல்வியே.

இந்த யோசனை வந்ததில் இருந்தே பலரிடமும் ஜி.வி.பிரகாஷ் பெயரைத்தான் முன்வைத்தேன். அவரது கண்கள், தோற்றம் இந்த கதாபாத்திரத்துக்கு சரியாக இருக்கும் என்று தோன்றியது. தவிர, தமிழில் பல கதாநாயகர்களை எனக்கு தெரியாது. சுற்றி இருப்பவர்கள் வேறு சிலரது பெயரைச் சொன்னாலும், ஜி.வி.தான் சரியாக இருப்பார் என்று எனக்கு தோன்றியது. அவரது இசையும் எனக்கு பிடிக்கும்.

உணர்ச்சிகள் சார்ந்த சில விஷயங்களை மாற்றியுள்ளேன். நகைச்சுவையும் சற்று கூடுதலாக இருக்கும். தமிழில் சில உணர்ச்சிகரமான படங்கள் தெலுங்கு பதிப்புகளில் வெற்றி பெற்றுள்ளன. என் பெயரைப் பார்த்து, நான் தமிழ் என்று நினைத்து பலரும் என்னிடம் தமிழில் பேசுவார்கள். நான் தெலுங்கு என்று அறிமுகம் செய்து கொள்வேன். மேலும், வழக்கமான தெலுங்கு படங்களில் இருந்து என் படங்கள் வித்தியாசமாக இருப்பதாலும் என்னை தமிழன் என்று நினைத்துவிட்டார்கள். அதுதான், என் திரைக்கதையும் தமிழுக்கு சரியாக இருக்கும் என்ற நம்பிக்கையைத் தந்திருக்கிறது. ‘நேனொக்கடினே’ படம்கூட தமிழில் எடுக்கப்பட்டால் சூப்பர் ஹிட் ஆகும் என்கின்றனர்.

கண்டிப்பாக தெலுங்கு ரசிகர்களுக்குப் புதிதாக இருக்கும். ராம் சரண் - சமந்தா இருவருக்குமே வித்தியாசமான படமாக இருக்கும். இருவருமே செய்யாத கதாபாத்திரம் அது. இதுவரை நான் எடுத்த படங்களில் இதுதான் மிகச் சிறப்பாக வந்திருக்கிறது என நினைக்கிறேன்.

2 ஆண்டுகளுக்கு முன்பு அந்தத் திட்டம் இருந்தது. தமிழ், தெலுங்கு என இரு மொழிகளிலும் அவரை அறிமுகம் செய்யலாம் என்று இருந்தேன். வேலை அதிகம் இருந்ததால் அப்போது நடக்கவில்லை. விரைவில் நடக்கும்.

திரைக்கதை எழுதுவது படைப்பாற்றல் சம்பந்தப்பட்டது. ஒரு இடத்தில் குழுவுடன் உட்கார்ந்து பேசி, கலந்துரையாடி, கலாட்டா, அரட்டை என்று சிரித்துக்கொண்டே எளிதாகப் போய்விடும். அதில் உற்சாகமும் அதிகம். இயக்கம் அப்படியல்ல. உடல் உழைப்பு தேவைப்படும் கடினமான வேலை. நாம் யோசித்தது சரியாக வருமா, வராதா என்ற சந்தேகம் இருக்கும். நினைத்ததை அப்படியே திரைக்கு கொண்டுவர முடியுமா என்ற பயமும் இருந்துகொண்டே இருக்கும்.

தமிழ், தெலுங்கு என ஒரே நேரத்தில் இரு மொழியில் படம் எடுக்குமாறு சிலர் கேட்கின்றனர். நான் மிக மெதுவாக, பொறுமையாக வேலை செய்பவன். நிதானமாக யோசித்து 2 ஆண்டுகளுக்கு ஒரு படம் எடுப்பவன். அதனால் அது எப்போது நடக்கும் என தெரியவில்லை.