சினிமா ரசனை 2.0 - 6: பூமிக்கு வருகை தரும் கடவுள்!

கடவுள் இருக்கிறாரா? இருந்தால் அவர் எங்கே இருக்கிறார், எப்படி இருப்பார்? இந்தக் கேள்வி, மனிதன் உருவான காலத்திலிருந்தே பெரிய கேள்வியாக இருந்துவருகிறது. உலகின் பல மதங்களிலும் இக்கேள்வி எழுப்பப்படுகிறது. விடைகளும் ஏராளம்!

ஒருவேளை கடவுள் என்று ஒருவர் இருந்து, அவர் பூமிக்கு வந்துவிட்டால்? இந்தக் கேள்வியை வைத்துக்கொண்டு உருவாக்கப்பட்ட காமிக்ஸ்தான் ‘பிரீச்சர்’ (Preacher). அமெரிக்காவில் பிரபலமான குறிப்பிடத்தகுந்த காமிக்ஸ் கதைகளில் ஒன்று. மிகப் பிரபலமான கதாபாத்திரமும்கூட. இந்த காமிக்ஸை வைத்துக்கொண்டு உருவாக்கப்பட்ட சீரீஸ்தான் ‘Preacher’.