சித்திரை சிறப்பு | பதினெட்டாம் நாள் போருக்குக் காத்திருக்கும் திரௌபதி

சித்திரை தொடங்கிவிட்டாலே வட தமிழகத்தின் பெரும்பாலான கிராமங்களில் திரௌபதி அம்மன் திருவிழாவுக்கு நாள் குறித்துவிடுவார்கள். இந்த விழாவின் சிறப்பே மதிய வேளையில் கோயில் மண்டபத்தில் படிக்கப்படும் பாரதமும் அதைத் தொடர்ந்து ஊர்ப் பொதுவெளியில் இரவில் நடத்தப்படும் கட்டைக் கட்டிக்கூத்தும்தான். தொலைக்காட்சித் தொடர்களும் செல்போன் குறுங்காணொளிகளும் மக்களை ஆக்கிரமித்திருந்தாலும் விடிய விடிய நடைபெறும் கட்டைக்கூத்தைப் பார்க்கக் கணிசமானோர் திரண்டுவிடுகின்றனர்.