இரண்டு உள்ளங்கள் கிடையாது

துன்னூன் மிஸ்ரி எனும் சூஃபி ஞானியிடம் ஒருவர் தன் குறையை எடுத்துக் கூறினார். “நான் வேளை தவறாமல் தொழுது வருகிறேன். அண்மைக் காலத்தில் ஒரு தொழுகையைக் கூட செய்யாமல் விட்டதாக எனக்கு நினைவில்லை. ஆனால் சில நாள்களாக என் தொழுகையில் வெறுக்கத்தக்க மாறுதலை நான் பார்க்கிறேன்.

தொழ வேண்டிய நேரம் வந்ததும் என் மனத்தில் ஒருவிதமான சங்கடம் தோன்றுகிறது. மனத்தை அடக்கிக்கொண்டு தொழுகையில் ஈடுபட்டால், தொழுகையின் பகுதிகளில் சிலவற்றை எனக்கே தெரியாமல் நான் விட்டுவிடுகிறேன். இந்த நிலைமை எனக்குப் பிடிக்கவில்லை.