படிக்காசு பெற்ற புலவர்

இறைவனைச் சரணடைந்தால் எல்லாமே கிட்டும் என்பதற்கு வாழும் உதாரணமாகத் திகழ்ந்தவர் படிக்காசுப் புலவர். தொண்டை மண்டலம், பொற்களத்தூரில் (தென்களத்தூர் என்றும் சொல்வதுண்டு) 250 ஆண்டுகளுக்கு முன்பு பிறந்தவர் இவர். வள்ளல் சீதக்காதியின் சமகாலத்தவர்.

இவரது இயற்பெயர் என்ன தென்று சரியாகத் தெரியாத நிலையில் ஆகிவந்த பெயரான படிக்காசுப் புலவர் என்பதே நிலைத்துவிட்டது; இவரைப் படிக்காசுத் தம்பிரான் எனவும் அழைப்பர் என்கிறது ‘படிக்காசுப் புலவர் சரிதம்’. தொண்டை மண்டல சதகம், பழமொழி விளக்கம் போன்ற பல நூல்களைத் தமிழ் உலகத்துக்குத் தந்தவர் இவர்.