சர்ச்சைகளும் தீர்ப்புகளும்

பகவத் ராமானுஜர் அருளிச் செய்த ஸ்ரீ பாஷ்யம் என்பது ஸ்ரீ வியாச பகவான் என்று அழைக்கப்படும் பாதராயண மகரிஷி அருளிச் செய்த பிரஹ்ம சூத்திரத்துக்கான உரையாகும். ‘பிரஹ்மம்’ என்பதற்கு ஒப்புயர்வற்ற பொருள் அல்லது மற்றை அனைத்தையும் வளர்க்கின்ற பொருள் என்பது அர்த்தமாகக் கொள்ளப்படுகிறது. மேலும் தானாகவே தன்னை வெளிப்படுத்துதலும் ‘பிரஹ்மம்’ என்பதாக உணரலாம்.

ராமானுஜர் தனது ஸ்ரீபாஷ்யத்தில் ‘இயல்பாகவே தோஷங்கள் ஏதும் அற்றவனும், அளவிட முடியாத உயர்ந்த எண்ணற்ற இனிமையான மங்களகரமான குணங்களை உடைய புருஷோத்தமனே (ஸ்ரீமன் நாராயணன்) ‘பிரஹ்மம்’ என்ற பதத்தால் அறியப்படுகிறான்’ என்கிறார்.