சித்திரப் பேச்சு: சிற்பியின் மனோரதம்

இந்தச் சிற்பத்தைப் பார்க்கும்போது இது மரத்தில் செய்ததா அல்லது கல்லில் குடைந்து எடுத்ததா என்று எண்ணும்படி கல்லிலே சிற்றுளி காட்டியுள்ள அழகு ஜாலத்தை வர்ணிக்க வார்த்தைகளே இல்லை.

தஞ்சை பெருவுடையார் கோயிலில் பிற்காலத்தில் கட்டப்பட்ட முருகன் சந்நிதியின் தெற்கு வாசல் படி ஏறியதும் துவாரபாலகருக்கு ஏதிரே உள்ள தூணில் இந்தக் காட்சியைப் பார்க்கலாம். இங்குள்ள தூண்களும் சிற்பங்களும் அழகு மற்றும் வர்ணனைகளுக்கு அப்பாற்பட்டவை. `இதை விடச் சிறப்பாக செய்வதற்கு வேறு என்ன இருக்கிறது' என்று சொல்லத் தோன்றுகிறது.