வார ராசிபலன் 24-10-2019 முதல் 30-10-2019 வரை (மேஷம் முதல் கன்னி வரை)

மேஷ ராசி வாசகர்களே

இந்த வாரம் ராசிநாதன் செவ்வாயைப் பார்க்கிறார். பாக்கியஸ்தானத்திற்கு மாற்றம் பெற்றிருக்கும் குரு ஐந்தாம் பார்வையால் பார்க்கிறார். பல நன்மைகள் உண்டாகும். உங்கள் பேச்சுத் திறன் அதிகரிக்கும். காரியங்கள் சிறப்பாக நடந்து முடியும். தொழில், வியாபாரத்தில் லாபம் கூடும். புதிய வர்த்தக ஆர்டர்களைக் கூடுதலாக உழைப்பதன் பேரில் கிடைக்கும். உத்தியோகத்தில் நம்பிக்கையுடன் செயலாற்றுவதன் மூலம் மகிழ்ச்சியடைவீர்கள். வீடு, வாகனம் வாங்குவது, புதுப்பிப்பதில் ஈடுபடுவீர்கள்.

பெண்களுக்கு, திட்டமிட்டுச் செய்யும் காரியங்கள் வெற்றிகரமாக முடியும். கோபத்தைக் குறைப்பது நன்மை தரும். கலைத் துறையினருக்கு பழைய பாக்கிகள் வசூலாகும். முக்கிய நபர்களின் ஆதரவும் கிடைக்கப் பெறுவீர்கள். அரசியல்வாதிகளுக்குப் பணப்புழக்கம் அதிகரிக்கும். எடுத்த காரியம் அனைத்தும் வெற்றிகரமாக முடியும். செல்வாக்கு ஓங்கும். மாணவர்களுக்கு, சகமாணவர்களை அனுசரித்துச் செல்ல வேண்டும். கல்வியில் ஆர்வம் உண்டாகும்.

அதிர்ஷ்டக் கிழமைகள்: செவ்வாய், புதன், வெள்ளி
திசைகள்: கிழக்கு, தென்மேற்கு
நிறங்கள்: வெள்ளை, சிவப்பு
எண்கள்: 2, 3
பரிகாரம்: அம்மனுக்கு இலுப்பை எண்ணை தீபம் ஏற்றி வணங்குங்கள்.

ரிஷப ராசி வாசகர்களே

இந்த வாரம் ராசிநாதன் சுக்கிரனின் சஞ்சாரத்தால் அத்தியாவசிய வசதிகள் கிடைக்கும். உறவினர்களால் உதவிகள் கிடைக்கும். புதிய ஆடை அணிகலன்கள், ஆடம்பரப் பொருட்கள் வாங்குவீர்கள். வீடு, மனை வாங்கத் திட்டமிடுவீர்கள். ஏற்றமும் இறக்கமுமாக இருந்த தொழில், வியாபாரம் சீராகும். உத்தியோகத்தில் இடமாற்றம் உண்டாகலாம். புதிய பொறுப்புகள் கிடைக்கும். குடும்பத்தில் பிரச்சினைகள் மறையும். பிள்ளைகளின் செயல்பாடுகள் திருப்தி தருவதாக இருக்கும்.

யாரிடமும் வாக்குவாதம் வேண்டாம். பெண்களுக்கு தன்னம்பிக்கையும் துணிச்சலும் கூடும். எதிர்பாராத செலவு உண்டாகும். கலைத் துறையினருக்கு பணவரவு அதிகமாகும். பேச்சில் இனிமை சாதுரியத்தால் எடுத்த காரியம் கைகூடும். அரசியல்வாதிகளுக்கு பணிகளில் இடையூறுகள் ஏற்படலாம். பழைய பாக்கிகளை வசூலிப்பதில் தாமதம் காணப்படும். மாணவர்களுக்கு, கல்வியில் எதிர்பார்த்த முன்னேற்றம் காணப்படும். எதிர்காலக் கல்வி பற்றிய சிந்தனை மேலோங்கும்.

அதிர்ஷ்டக் கிழமைகள்: திங்கள், வெள்ளி
திசைகள்: மேற்கு, தென்மேற்கு
நிறங்கள்: வெள்ளை, வெளிர்நீலம்
எண்கள்: 2, 6
பரிகாரம்: சுக்கிர ஹோரையில் மகாலட்சுமியை அர்ச்சனை செய்து வணங்க அனைத்துச் செல்வங்களும் சேரும்.

மிதுன ராசி வாசகர்களே

இந்த வாரம் ராசியை குரு, சனி பார்க்கிறார்கள். எதையும் சாதிக்கும் திறமை உண்டாகும். வீட்டில் இருந்து வெளியே தங்கும் சூழல் ஏற்படும். தொழில், வியாபாரத்தில் அலைச்சல் இருக்கும். உத்தியோகஸ்தர்கள் கூடுதலாக உழைக்க வேண்டி இருக்கும். வேலைக்கு முயற்சி

செய்பவர்களுக்கு வேலை கிடைக்கலாம். கணவன் மனைவிக்குள் சில்லறைப் பிரச்சினைகள் ஏற்பட்டு நீங்கும். பிள்ளைகளால் மதிப்பு உயரும். நண்பர்களால் நன்மை உண்டாகும். பெண்களுக்கு தடைபட்ட காரியங்கள் தடைநீங்கி நல்லபடியாக நடந்து முடியும். பணவரவு திருப்தி தரும். கலைத் துறையினருக்கு சக கலைஞர்களிடம் திடீர் கருத்து வேற்றுமை ஏற்பட்டு நீங்கும். அரசியல்வாதிகளுக்குப் பாராட்டு கிடைக்கும். மனக்கவலை ஏற்படும். உடல்சோர்வு உண்டாகும். ஆன்மிக நாட்டமும், மன தைரியமும் மேம்பட்டு உற்சாகத்தைக் கொடுக்கும். மாணவர்களுக்கு மிகவும் கவனத்துடன் சந்தேகங்களைத் தெளிவாகப் போக்கிக் கொண்டு பாடங்களைப் படிக்க வேண்டும்.

அதிர்ஷ்டக் கிழமைகள்: புதன், வெள்ளி
திசைகள்: மேற்கு, வடகிழக்கு
நிறங்கள்: பச்சை, மஞ்சள்
எண்கள்: 3, 5
பரிகாரம்: அரளிப்பூவை ஆஞ்சநேயருக்கு சாற்றி வழிபட எல்லா பிரச்சனைகளும் தீரும்.

கடக ராசி வாசகர்களே

இந்த வாரம் ராசிநாதன் சந்திரனின் சஞ்சாரம் அனுகூலமாக உள்ளது. சாமர்த்தியமான பேச்சால் காரியங்களைச் சாதிப்பீர்கள். பணவரவு அதிகரிக்கும். வாழ்க்கையில் முன்னேற்றம் காண்பதற்கான வாய்ப்புகள் வரும். தொழில், வியாபாரத்தில் சுமாரான போக்கு காணப்படும். புதிய வர்த்தக ஆர்டர்கள் கிடைப்பதில் தாமதம் ஏற்படலாம். உத்தியோகத்தில் மேன்மையடைவார்கள். குடும்பத்துக்குத் தேவையான பொருட்களை வாங்குவீர்கள். கணவன் மனைவிக்குள் கருத்து வேற்றுமை உண்டாகலாம்.

பிள்ளைகளிடம் கோபத்தைக் காட்டாமல் அனுசரித்துச் செல்லுங்கள். பெண்கள் எந்த ஒரு காரியத்தையும் செய்துமுடிக்கக் கூடுதல்நேரம் உழைக்க வேண்டி இருக்கும். கலைத் துறையினருக்குச் சோதனைகள் மிகுந்த காலமாக இருக்கும். அரசியல்வாதிகளுக்கு, புதிய ஒப்பந்தங்கள் கையெழுத்தாகும். மாணவர்களுக்கு, மற்றவர்களை அனுசரித்துச் செல்ல வேண்டும். விளையாட்டுகளில் கவனம் செலுத்துவதுடன் கல்வியிலும் கூடுதல் கவனம் நன்மை தரும்.

அதிர்ஷ்டக் கிழமைகள்: ஞாயிறு, திங்கள், வியாழன்
திசைகள்: வடக்கு, வடமேற்கு
நிறங்கள்: வெள்ளை, வெளிர்பச்சை
எண்கள்: 2, 5
பரிகாரம்: அருகிலிருக்கும் அம்மனைத் தரிசித்து பஞ்ச முக தீபம் ஏற்றி அர்ச்சனை செய்து வழிபட மனக்குழப்பம் நீங்கும்.

சிம்ம ராசி வாசகர்களே

இந்த வாரம் ராசிநாதன் தைரிய, வீர்ய ஸ்தானத்தில் இருக்கிறார். தொழில், வியாபாரத்தில் குறிப்பாகக் கூட்டுத் தொழிலில் ஈடுபட்டு இருப்பவர்கள் எச்சரிக்கையாகச் செயல்பட வேண்டும். உத்தியோகத்தில் மற்றவர்களை நம்பிப் பொறுப்புகளை ஒப்படைக்க வேண்டாம். கணவன் மனைவிக்குள் ஒற்றுமை காணப்படும். பிள்ளைகள் கல்வி, பிற ஈடுபாடுகளில் கவனம் செலுத்துவீர்கள்.

பெண்களுக்கு மிக கவனமாகப் பேசுவதும், கோபத்தை குறைப்பதும் நன்மை தரும். கலைத் துறையினருக்கு திடீர்க் கோபங்கள் உண்டாகலாம். நிதானம் தேவை. புத்தி சாதுரியத்தால் எதையும் சமாளிப்பீர்கள். தெளிவான சிந்தனை தோன்றும். அரசியல்வாதிகளுக்கு பெயர், புகழ், கவுரவம் தேடி வரும். மேல்மட்டத்தில் உங்கள் பேச்சுக்கு மதிப்பு உயரும். மாணவர்களுக்கு, பாடங்களைக் கவனமாகப் படித்துக் கூடுதல் மதிப்பெண் பெறுவதற்கான முயற்சிகளை மேற்கொள்வீர்கள்.

அதிர்ஷ்டக் கிழமைகள்: ஞாயிறு, வியாழன்
திசைகள்: கிழக்கு, தெற்கு
நிறங்கள்: வெள்ளை, மஞ்சள்
எண்கள்: 1, 3, 6
பரிகாரம்: தினமும் மாலை வேளையில் சிவனை வணங்க எடுத்த முயற்சிகளில் வெற்றி உண்டாகும்.

கன்னி ராசி வாசகர்களே

இந்த வாரம் ராசியில் செவ்வாய் இருக்க, ராசிநாதன் தனவாக்கு, குடும்ப ஸ்தானத்தில் இருக்கிறார். எதிர்பாராத இடமாற்றம் ஏற்படும். உஷ்ணம் சம்பந்தமான நோய் ஏற்படலாம். தொழில், வியாபாரத்தில் வாடிக்கையாளர்களை அனுசரித்துச் செல்ல வேண்டும். கடனுக்குப் பொருட்களை அனுப்பும்போது எச்சரிக்கை தேவை. உத்தியோகத்தில் திறமையாகப் பணிகளைச் செய்து முடித்து நிர்வாகத்தில் நல்ல பெயர் பெறுவார்கள்.

குடும்பத்தில் மகிழ்ச்சி இருக்கும். பெண்களுக்கு, முயற்சிகளில் தடை ஏற்படலாம். கலைத் துறையினருக்கு திடீர்ச் செலவுகள் ஏற்படலாம். வெளிவட்டாரப் பழக்கவழக்கங்களைக் குறைத்துக் கொள்ள வேண்டும். ஆயுதம், நெருப்பைக் கையாளும் போதும் வாகனங்களில் செல்லும் போதும் கவனம் தேவை. அரசியல்வாதிகளுக்கு பொறுப்புகள் அதிகரிக்கும். விருந்து, கேளிக்கைகளில் பங்கு கொள்வீர்கள். மாணவர்களுக்கு, சகமாணவர்களுடன் பழகும்போது நிதானம் தேவை.

அதிர்ஷ்டக் கிழமைகள்: திங்கள், புதன், வியாழன்
திசைகள்: தெற்கு, தென்கிழக்கு, வடகிழக்கு
நிறங்கள்: பச்சை, மஞ்சள்
எண்கள்: 2, 3, 5
பரிகாரம்: துளசியைப் பெருமாளுக்கு அர்ப்பணித்து வணங்கக் கடன் சுமை குறையும். வாழ்க்கையில் முன்னேற்றம் உண்டாகும்.