பள்ளத்தாக்கு பயணமும் விசுவாசம்தான்!

இறைமகனான யேசு கிறிஸ்து எல்லாருக்குமான அன்பை வெளிப்படுத்தியவர். இறை நம்பிக்கையை மக்களின் மனத்தில் வேரூன்றச் செய்யும் அவரின் மலைப் பிரசங்கங்கள் மனதை உருக்கக் கூடியவை மட்டுமல்ல; ஆழமான ஆன்மிக கருத்துகளை மிக எளிமையாகக் கற்பிக்கக் கூடியதுமாகும். அதில் உயர்ந்த ஒழுக்கநெறிகளை அவர் போதித்தார். அதற்காக அவர் உவமைக் கதைகளை அப்போது பயன்படுத்தினார். மேலும் ‘ஜபமேஜெயம்’ அதுவே இறைவனுடன் நம்ம இணைக்கும் வெற்றியின் திறவுகோல் என்பதை பிரசங்கங்களின்போது திரும்பத் திரும்ப ஜெபம் குறித்துப் பேசினார்.

அவரது வழியில் இறைப் பணியைத் தொடர்ந்த இறை அருளாளர்களின் மனத்தில் பதினெட்டாம் நூற்றாண்டின் இறுதியில் ஜபத்தின் பெருமையை மக்களிடம் கொண்டுசெல்வதற்கு உலகம் முழுவதும் ஒரு குறிப்பிட்ட காலத்தில் பிரார்த்தனை செய்வதற்கான முன்முயற்சியை எடுத்தனர்.