பாபநாசம் சிவன் அருளிய `ஸ்ரீ ராம சரித கீதம்' | செப்.26 பாபநாசம் சிவன் 133ஆவது பிறந்தநாள்

கர்னாடக இசை உலகில் பல அரிய தமிழ் சாகித்யங்களை அளித்த பெருமைக்கு உரியவர் இசை மேதை பாபநாசம் சிவன். அதனாலேயே தமிழ்த் தியாகராஜர் என்று அழைக்கப்பட்டவர்.

கர்னாடக இசை மேடைகளில் இவரின் பாடல்களை அந்தக் காலத்தில் புகழின் உச்சியில் இருந்த சங்கீத மேதைகள் அரியக்குடி ராமானுஜ அய்யங்கார், மகாராஜபுரம் விசுவநாத அய்யர், செம்பை வைத்தியநாத பாகவதர், முசிறி சுப்பிரமணிய அய்யர், செம்மங்குடி சீனிவாச அய்யர் உள்ளிட்டவர்கள் பாடிப் பிரபலப்படுத்தினர்.