நபிகளாரின் நன்னடத்தை உபதேசங்கள்

நபிகளார் தனது தோழர் அபூபக்கருடன் மக்காவை விட்டும் புலம்பெயர்ந்து மதீனா நோக்கி பயணப்பட்டார்கள். நபிகளாரின் வருகைக்காக மதீனாவின் மக்கள் ஆவலுடன் எதிர்நோக்கி காத்திருந்தனர். சூரியனின் கதிர்கள் நபிகளாரது மற்றும் அபூபக்கரின் தூய வெண்ணிற ஆடையில் பட்டுப் பிரகாசித்தன. இக்காட்சியினைத் தனது வீட்டிலிருந்த ஒரு யூதர் தற்செயலாக கண்டார். அவர் மதீனாவின் மக்களிடம் `நீங்கள் எதிர்பார்த்திருந்த முஹம்மத் வந்துவிட்டார்' என உரத்த குரலில் கூறினார். அவரின் அழைப்பு ஊரெங்கும் பரவியது. ஆண்கள், பெண்கள், குழந்தைகள் என அனைவரும் அங்கு வந்து கூடினர். நபிகளார் ஒரு ஈச்ச மரத் தோட்டத்திற்கு வந்து அமர்ந்து அம்மக்களிடையே உரையாற்றினார்.