ருத்ரப் பிரயாகை கார்த்திக் சுவாமி கோயில்

தேவ பூமி என்று அழைக்கப்படும் உத்தராகண்ட் மாநிலத்தில் அமைந்துள்ள புகழ்பெற்ற பல கோயில்களில் ருத்ரப் பிரயாகை கார்த்திக் சுவாமி கோயிலும் ஒன்று. இந்தியாவின் வடக்குப் பகுதியில் உள்ள முருகப் பெருமான் தலங்களில் மிகவும் முக்கியத்துவம் பெற்றதாக இக்கோயில் அமைந்துள்ளது. கடல் மட்டத்தில் இருந்து சுமார் 3,050 மீட்டர் உயரத்தில் இக்கோயில் அமையப் பெற்றுள்ளது தனிச்சிறப்பு.

நந்தப் பிரயாகை, தேவப் பிரயாகை, ருத்ரப் பிரயாகை, கர்ணப் பிரயாகை, விஷ்ணுப் பிரயாகை ஆகிய ஐந்து இடங்கள் பஞ்சப் பிரயாகை என்று அழைக்கப்படுகின்றன. அலக்நந்தா நதியும் மந்தாகினி நதியும் சங்கமமாகும் இடம் ருத்ரப் பிரயாகை என்று அழைக்கப்படுகிறது.