தித்திக்கும் திருப்புகழ் நாயகன் 21: குன்றக்குடி | சங்கடங்கள் தீர்க்கும் சண்முக நாதர்

குறுமுனி இன்பப் பொருள் பெற அன்று உற்பன மனுவும் சொல்
குருநாதா-குலகிரி துங்கக் கிரி உயர் குன்றக்குடி வளர் கந்தப் பெருமாளே - திருப்புகழ்

மனம் இடைவிடாது அலைகிறது. சுழலில் சிக்கிய தூசிபோல் சுற்றிச் சுழன்று அல்லல்படுகிறது. இளைப்பாறவும், துன்பம் தீரவும், அருள் வேண்டும் என்றே முருகனைத் தேடி ஓடுகிறோம். ஏனென்றால், கூப்பிட்டதும் ஓடி வருவான் கந்தன். சலிக்கும் மனது முருகனின் வாகனமாக இருக்கவும், அவன் பாதத்தில் உதிரும் பூவாகவும் இருக்கவே விரும்புகிறது.