விடை தேடும் அறிவியல் 03: சில உயிரினங்களுக்கு விஷம் எப்படி வந்தது?

உலகில் சுமார் 87 லட்சம் உயிரினங்கள் இருப்பதாகக் கருதப்படுகிறது. இவற்றில் மனிதர்கள் அஞ்சி நடுங்குவது விஷத்தன்மை கொண்ட உயிரினங்களுக்குதாம். பூமியில் உள்ள உயிரினங்களில் 15 சதவீதம் விஷத்தன்மை கொண்டவை. இவற்றில் ஒவ்வோர் உயிரினமும் ஒவ்வொரு நோக்கத்திற்காக விஷத்தைப் பயன்படுத்துகின்றன.

சில விலங்குகள் பாதுகாப்புக்கும், சில விலங்குகள் வேட்டையாடுவதற்கும், சில விலங்குகள் சண்டையிடுவதற்கும்கூட விஷத்தைப் பயன்படுத்துகின்றன. விஞ்ஞானிகள் விஷத்தை அளவிடுவதற்கு LD50 (lethal dose 50) என்கிற பதத்தைப் பயன்படுத்துகின்றனர். இந்த LD50 எவ்வளவுக்கு எவ்வளவு குறைவாக இருக்கிறதோ, அவ்வளவுக்கு அவ்வளவு விஷம் கடுமையானது.