ஆங்கிலம் அறிவோமே 4.0 - 29: அந்தப் பொருளின் அறிகுறி!

‘Bank rate’, ’Interest rate’ தெரியும். இப்போது அதிகம் பயன்படுத்தப்படும் ‘Quit rate’ என்பதன் பொருள் தெரியுமா?

ஒருவர் வேலையில்லாமல் இருந்தால், ‘அவருக்கு வேலை கிடைக்கவில்லை அல்லது வேலையிலிருந்து அவர் வெளியேற்றப்பட்டுவிட்டார்’ என்பது பொதுவான அனுமானம். ஆனால், வேலை நீக்கம் போன்ற எந்த நிலையும் ஏற்படாமல் மக்களில் எவ்வளவு சதவீதம் பேர் தங்களது தற்போதைய வேலையை விட்டு நீங்குகிறார்கள் என்பதுதான் ‘quit rate’. இந்த விகிதம் அதிகரிக்கிறது என்றால் புதிய, மேலும் சிறப்பான வேலை தங்களுக்குக் கிடைக்கும் என்ற நம்பிக்கை மக்களுக்கு இருக்கிறது என்று பொருள். அதாவது, நாட்டின் பொருளாதாரம் முன்னேறுகிறது என்பதற்கான ஓர் அறிகுறியே ‘quit rate’.