பாப்கார்ன்: காரை டிப்ஸாகக் கொடுத்த யூடியூபர்

இன்று சினிமா நட்சத்திரங்களுக்கு இணையாக யூடியூபர்களும் புகழ்பெற்றுவருகிறார்கள். யூடியூப் மூலம் கோடியில் புரளும் யூடியூபர்களும் இருக்கிறார்கள். சமூக வலைத்தளங்களில் கிடைக்கும் லைக்ஸ்களும் ஷேர்களும்தான் யூடியூபர்களின் வளர்ச்சிக்கு முக்கியம்.

அதைப் பெறுவதற்காக எந்த எல்லைக்கும் செல்லும் யூடியூபர்கள் பெருகிவருகிறார்கள். அந்த வகையில் அமெரிக்காவில் புகழ்பெற்ற ‘மிஸ்டர் பீஸ்ட்’ என்கிற யூடியூப் அலைவரிசையை நடத்திவரும் ஜிம்மி டொனால்ட்சன் என்பவர் தன்னுடைய விலை உயர்ந்த சொகுசு காரை ஹோட்டல் சர்வருக்கு டிப்ஸாகக் கொடுத்து வியப்பூட்டியிருக்கிறார்.