கம்போடியாவில் பிடிபட்ட மிகப் பெரிய நன்னீர் மீன்

மீகாங் நதியில் கம்போடியா மீனவர் ஒருவர் சமீபத்தில் திருக்கை மீன் (ஸ்டிங்ரே) ஒன்றைப் பிடித்தார். உலகில் இதுவரை பிடிக்கப்பட்ட நன்னீர் மீன்களில் அதுவே மிகப்பெரியது. அந்த மீனின் எடை 300 கிலோ, நீளம் நான்கு மீட்டர்.

நன்னீர் மீன்களுக்கான முந்தைய சாதனையாக ஒரு கெளுத்தி மீன் இருந்தது. அந்த மீனும் மீகாங் நதியில்தான் பிடிபட்டது. 2005இல் தாய்லாந்தில் பிடிக்கப்பட்ட அந்த மீன் 293 கிலோ எடையுடன் இருந்தது. இந்தச் சூழலில்தான், தற்போது கம்போடியா மீனவர், கம்போடியாவின் வடகிழக்கில் உள்ள ஸ்டங் ட்ரெங் அருகே உலகின் மிகப்பெரிய ஸ்டிங்ரே மீனைப் பிடித்திருக்கிறார்.