மே 3 உலக ஆஸ்துமா தினம் - தெளிவான புரிதலே ஆஸ்துமாவை வெல்லும் வழி

ஆஸ்துமா என்பது நுரையீரல்களின் காற்றுப்பாதைகளைப் பாதிக்கும் ஒரு சுவாசப் பிரச்சனை. ஆஸ்துமாவைத் தூண்டும் சில பொருட்களுக்கு காற்றுப்பாதைகள் ஆற்றும் எதிர்வினையால் ஏற்படும் பாதிப்பு அது. இந்த எதிர்வினையால், காற்றுப்பாதைகளைச் சுற்றியுள்ள தசைகள் இறுகுகின்றன; இதன் காரணமாக காற்றுப்பாதை குறுகலாவதால் மூச்சு விடுவதில் சிரமம் ஏற்படுகிறது. மேலும் இதன் காரணமாக, உபரியாகச் சுரக்கும் சளி காற்றுப்பாதையை மேலும் சுருங்கச் செய்கிறது. இவை அனைத்துமே கேட்பதற்கு அச்சமூட்டுவதாக இருந்தாலும், அதை எளிதில் சமாளிப்பதற்கு இன்றைய நவீன மருத்துவம் நமக்கு உதவும் என்பதே உண்மை.