சுறாப்பார் எனும் இயற்கைப் புதையல் : கூடு திரும்புதல் 25

உலகக் கடல்களின் குறிப்பிட்ட பகுதிகள் மீன்வளம் மிகுந்து காணப்படுகின்றன. உயிரினங்கள் வளரவும் இனம்பெருக்கவும் தகுதியான சூழல் நிலவும் இப்பகுதிகள் மீன்வளத்திட்டு என்றழைக்கப்படுகின்றன. மீனவர்கள் சுறாப்பார் என்கின்றனர். உயிர்ச்சத்துகளும் மழைப்பொழிவும் இப்பகுதிகளின் உயிர்ப் பன்மைக்குக் காரணமாக அமைந்துள்ளன.

மீனினங்களின் வகையும் தொகையும் மிகுந்துள்ள இப்பகுதிகள் ஆண்டின் எல்லாப் பருவங்களிலும் அறுவடை நிகழ்த்த ஏற்ற இடமாகும். 20ஆம் நூற்றாண்டின் முற்பகுதியில் இழுவைமடித் தொழில்நுட்பத்தைப் பரவலாக்கும் முயற்சிகள் பன்னாட்டளவில் மேற்கொள்ளப்பட்டன. சோதனை மீன்பிடிப்பயணங்களின் அடிப்படையில் இழுவைமடிக்கான சாத்தியத்தையும் நன்மைகளையும் விளக்குவதற்கு அறுவடைப் புள்ளிவிவரங்கள் தொடர்ச்சியாகத் தொகுக்கப்பட்டு வெளியிடப்பட்டன.