தமிழக ஒலிம்பிக் முகங்கள்

உலக விளையாட்டுத் திருவிழாவான ஒலிம்பிக் போட்டிகள் பாரிஸ் நகரில் கோலாகலமாகத் தொடங்க உள்ளன. பெருமைமிகுந்த இந்தப் போட்டிகளில் பங்கேற்க தமிழ்நாட்டைச் சேர்ந்த வீரர், வீராங்கனைகள் பலரும் தகுதி பெற்றிருக்கிறார்கள்.

சரத் கமல்: பாரிஸ் ஒலிம்பிக்கில் தேசியக் கொடியை ஏந்திச் செல்வதன் மூலம் ஒலிம்பிக்கில் தேசியக் கொடியை ஏந்திச் செல்லும் முதல் தமிழக வீரர் என்கிற பெருமையை, சரத் கமல் பெற உள்ளார். 41 வயதான அவர், 2004 ஏதென்ஸ் ஒலிம்பிக் போட்டியிலேயே பங்கேற்றவர்.