பாப்கார்ன்: ஏ.ஐ. சர்வர் ரோபாட்!

உலகம் முழுவதும் ஹோட்டல்களில் சர்வராக ரோபாட்கள் பயன்படுத்துவது புதிய செய்தி அல்ல. ஆனால், சீனாவில் உள்ள ஒரு ஹோட்டலில் சர்வர் வேலையில் ஈடுபடுத்தப்படும் ஒரு ரோபாட்டைப் பார்த்தவர்கள் வாயைப் பிளக்கிறார்கள். இந்த ரோபாட் பார்ப்பதற்கு அச்சு அசலாகப் பெண்ணைப் போன்ற தோற்றத்தில் இருக்கிறது.

அதாவது, இந்த சர்வரை ரோபாட் என்று சொன்னால்தான் மற்றவர்களுக்கே தெரியும். அந்தளவுக்குத் துல்லியமாக ரோபாட் சர்வரை வடிவமைத்திருக்கின்றனர். சீனப் பெண்ணை மனதில் கொண்டு இந்த ரோபாட்டை வடிவமைத்துள்ளனர். செயற்கை நுண்ணறிவின் (ஏ.ஐ.) உதவியுடன் இந்த ரோபாட் சாத்தியமாகியிருக்கிறது.