பிப்.28 - தேசிய அறிவியல் நாள்: நாம் என்ன செய்ய வேண்டும்?

உலகம் போற்றும் இந்திய அறிவியல் அறிஞர் சர்.சி.வி. ராமன். அவரைச் சிறப்பிக்கும் வகையில் ஒவ்வோர் ஆண்டும் பிப்ரவரி 28ஆம் தேதி, ‘தேசிய அறிவியல் தினம்’ கொண்டாடப்படுகிறது.

சர்.சி.வி. ராமன் கண்டுபிடித்த ‘ராமன் விளைவுக் கொள்கை’யை இவ்வுலகுக்கு எடுத்துரைத்த நாள்தான் பிப்ரவரி 28. ‘ராமன் விளைவு’ கண்டுபிடிப்புக்காக 1930இல் அவர் இயற்பியலுக்கான ‘நோபல் பரிசு’ பெற்றார். இந்தியாவில் மட்டுமே படித்த ஒருவர், நோபல் பரிசு பெற்றது அதுவே முதல் முறை.