வேகம் எடுக்கிறது இந்திய ரியல் எஸ்டேட்

இந்தியாவில் தாராளமயமாக்கல் கொள்கை அமலுக்கு வந்த பிறகு வேலைவாய்ப்பும் தனிநபர் வருமானமும் அதிகரித்தது. இதனால், நம் நாட்டு பொருளாதாரத்தின் முக்கிய உந்து சக்தியாக ரியல் எஸ்டேட் விளங்குகிறது. குறிப்பாக, நகரமயமாக்கமும் தனிநபர் வருமானமும் தொடர்ந்து அதிகரித்து வருவதால் இந்திய பொருளாதாரத்தில் வீட்டு வசதித் துறை முக்கிய பங்கு வகிக்கிறது. இந்த சூழ்நிலையில், கடந்த 2020-ல் உலகம் முழுவதும் கரோனா வைரஸ் பரவியதால் ஊரடங்கு அமல்படுத்தப்பட்டது.

இதனால் இந்தியா மட்டுமல்லாது சர்வதேச அளவிலும் ரியல் எஸ்டேட் துறை பெரும் பின்னடைவை சந்தித்தது. 2 ஆண்டுகளுக்குப் பிறகு கரோனா தாக்கத்திலிருந்து உலக நாடுகள் படிப்படியாக மீண்டன. ஆனாலும் ரஷ்யா-உக்ரைன் போர், பணவீக்கம், மூலதன செலவு அதிகரிப்பு என உலக நாடுகள் பல்வேறு சவால்களை எதிர்கொண்டு வருகின்றன. இதனால் பொருளாதார வளர்ச்சி பாதிக்கப்பட்டுள்ளது.