ஆங்கிலம் அறிவோமே 4.0: 51 -‘Reverse racism’ சொல்ல வருவது என்ன?

‘Dark horse’ என்பது எதைக் குறிக்கிறது? - இதுவரை ஒருவரைப் பற்றி பலருக்கும் தெரியாது. ஆனால், ஒரு திடீர் சூழல் காரணமாக அவர் மிகவும் புகழ் பெற்றுவிடுகிறார் என்றால், அவரை ‘dark horse’ என்பார்கள். முக்கியமாக அரசியலில் இது அதிகம் பயன்படுத்தப்படுகிறது. பலரும் ஒரு தேர்தலில் போட்டியிடும்போது யாரும் எதிர்பார்த்திராத நபர் ஒருவர் வெற்றி பெற்றால், அவரை ‘dark horse’ என்று விவரிப்பார்கள். தன் திறமைகளை ரகசியமாகவே வைத்துக் கொண்டிருக்கும் ஒருவரைக் குறிக்கவும் ‘dark horse’ என்ற சொற்கள் பயன்படுத்தப்படுகின்றன.

***
‘Racism’ என்றால் இனவெறி என்பது புரிகிறது. இப்போதெல்லாம் ‘Reverse racism’ என்கிற வார்த்தைகள் பயன்படுத்தப்படு கின்றன. இதன் பொருள் என்ன? - ‘Race’ என்பது போட்டி, பந்தயத்தை மட்டுமல்ல இனம் என்பதையும் குறிக்கும் சொல். இனவெறி (Racism) என்றவுடன் கறுப்பர்களை இரண்டாம் தரக் குடிமக்களாக நடத்தும் மனநிலை என்பது நமக்கு புரிகிறது. இனவெறிக்கு எதிரான போக்கு நாகரிக உலகில் அதிகம் வளர்ந்து வருகிறது.