முக்கூடலுக்கு வந்த முருகப்பெருமான்!

மூன்று நதிகள் சங்கமமாவதைத் ‘திரிவேணி சங்கமம்’ என்பர். மணிமுத்தாறு, கோமுகி, மயூர ஆகிய நதிகள் சங்கமமாகும் இடம் கடலூர் மாவட்டத்தின் நல்லூர். இங்கே சோழர் கால கலைத்திறனுடன் நிர்மாணிக்கப்பட்டுள்ளது வில்வனேஸ்வரர் கோயில்.

வில்வனேஸ்வரர் கிழக்கு நோக்கி அருள்பாலிக்கிறார். அம்பிகையும் கிழக்கு நோக்கித் தனி சந்நிதியில் அருள்பாலிக்கிறார். இங்கே முருகப் பெருமான் பெரிய திருவுருவமாகக் காட்சியளிக்கிறார். இது இக்கோயிலின் சிறப்பு.