நூறு கோடி டாலர்களைக் குவித்த கிரெட்டாவின் பார்பி!

உலகம் முழுவதும் திரைப்படத் துறையில் நடிப்பு நீங்கலாக, பெண்களின் பங்கேற்பு மிகக் குறைவாகவே இருக்கிறது. இதில் ஹாலிவுட்டும் விதிவிலக்கு அல்ல. அப்படிப்பட்ட திரைப்படத் துறையில் 100 கோடி அமெரிக்க டாலர்களுக்கும் அதிகமான வசூலை வாரிக்குவித்துப் புதிய சரித்திரத்தை எழுதியிருக்கிறார் இயக்குநர் கிரெட்டா கோவிக்! கடந்த மாதம் வெளியான ‘பார்பி’ திரைப்படத்தின் மூலம் இந்தச் சாதனையைச் செய்திருக்கிறார் இவர்.

இதுவரை 28 திரைப்படங்கள் மட்டுமே இந்தச் சாதனையைப் படைத்திருக்கின்றன. 28 திரைப்படங்களையும் ஆண்கள்தாம் இயக்கியிருக்கின்றனர். 29ஆவது திரைப் படமாக பார்பியும் அதை இயக்கிய கிரெட்டாவும் ’பில்லியன் டாலர் கிளப்’பில் இணைந்திருக்கிறார்கள்!