கண்முன் தெரிவதே கடவுள் 11: நம்பிக்கை எனும் கடவுள்!

கடவுளை நம்புகிறவன் எப்படி இருப்பான்?

தினந்தோறும் கோயிலுக்குத் தவறாமல் செல்வானா? செல்லலாம், செல்லாதிருக்கலாம். சமயச் சின்னங்களை முறையாக அணிந்து கொள்வானா? அணிதல் நன்றே, அவன் அணியாமலும் இருக்கக்கூடும். வீட்டில் நித்தமும் பூஜை செய்வானா? அது மிக நல்ல பழக்கம். அவன் அப்படிச் செய்யாமலும் இருக்கக்கூடும். விடாமல் பாராயணம் செய்வானா? பாராயணம் மிக நன்று. ஆனால் அவனுக்கு எந்தத் தோத்திரமும் மனப்பாடம் இல்லாமலும் இருக்கலாம்.