சமூக வலைத்தளப் பார்வை - ‘இன்ஃப்ளூயன்சர்’களின் தொழில் எதிர்காலம்?

இணையம் இந்தியாவுக்குள் கால் பதித்து 25 ஆண்டுகளைக் கடந்துவிட்டாலும், டிஜிட்டல் மார்க்கெட்டிங் இப்போதுதான் உச்சத்தில் இருக்கிறது. 2010க்குப் பிறகு சமூக வலைத்தளங்கள் மெதுவாக வளரத் தொடங்கின. சமூக வலைத்தளங்களின் ஆதிக்கத்தைத் தொடர்ந்து டிஜிட்டல் மார்க்கெட்டிங்கும் பேசுபொருளானது.

குறிப்பாக இன்ஸ்டகிராம், யூடியூப் போன்ற சமூக வலைத்தளத்தின் வளர்ச்சியால் கடந்த சில ஆண்டுகளாக ‘இன்ஃப்ளூயன்சர்’கள் எனப்படும் சமூக வலைத்தளப் பிரபலங்களைப் போன்றவர்களுக்கான மார்க் கெட்டிங் சார்ந்த பணிகள் அதிக கவனம் ஈர்க்கத் தொடங்கின. இந்தச் சூழலில் விளம்பரத் துறையின் முக்கிய அங்கமாக மாறியிருக்கும் ‘இன்ஃப்ளூயன்சர்’ மார்க்கெட்டிங் பணிகளில் இளைஞர்கள் பலரும் ஆர்வம் காட்டத் தொடங்கி இருக்கிறார்கள்.