சென்னை ஆசிய சாம்பியன்ஸ் கோப்பை: ஹாக்கிக்கு வந்த ‘பொம்மன்’

உள்ளூர் முதல் உலக விளையாட்டுகள் வரை இலச்சினை இல்லாத தொடர்கள் இருப்பதில்லை. சென்னையில் நடைபெற உள்ள ஆசிய ஆடவர் சாம்பியன்ஸ் கோப்பை ஹாக்கி தொடருக்கான இலச்சினை அண்மையில் அறிமுகம் செய்யப்பட்டது. யானை உருவம் கொண்ட இந்த இலச்சினையின் பெயர் ‘பொம்மன்’.

சில மாதங்களுக்கு முன்பு ‘தி எலிபெண்ட் விஸ்பரர்ஸ்’ என்கிற ஆவணக் குறும்படம் ஆஸ்கர் விருது வென்றது. நீலகிரி மாவட்டம் முதுமலையில் யானை பராமரிப்பில் ஈடுபட்ட தம்பதியான பொம்மன், பெள்ளி ஆகியோரின் கதையை மையமாகக் கொண்டு இந்த ஆவணப்படம் எடுக்கப்பட்டது. அதில் ‘பொம்மன்’ பெயரைத்தான் இந்த இலச்சினையின் பெயராகச் சூட்டியிருக்கிறார்கள்.