தித்திக்கும் திருப்புகழ் நாயகன் 24: கருவூர் | சகல நலன்களும் அளிக்கும் சண்முகன்

மதியால் வித்தகனாகி மனதால் உத்தமனாகிப் பதிவாகிச்
சிவஞான பரயோகத் தருள்வாயே. - திருப்புகழ்

அருணகிரிநாதர் தரிசித்துப் பாடிய 105ஆவது தலம் கருவூர் என்கிற கரூர். இங்கே அருணகிரிநாதர் ஆறு பாடல்கள் பாடியுள்ளார். நம் மனத்தின் நுட்பமான உணர்வுகளைக் கிளறி முருகனின் மகிமையில் ஆழ்ந்துபோகச்செய்யும் பாடல்கள் இவை. நிலையாமை என்பதை உணர்ந்து கந்தனின் பெருமையில் மகிழ்வதே ஞானம் அடையும் வழி என்னும் கருத்தை வலியுறுத்துபவை இப்பாடல்கள்.