கார்லோஸ் அல்கராஸ்: மும்மூர்த்திகளின் கலவை!

ஒரு தசாப்தத்துக்கும் மேலாக ரோஜர் ஃபெடரர், ரஃபேல் நடால், நோவக் ஜோகோவிச் எனப் பரிச்சயமான பெயர்கள் ஒலித்துக்கொண்டிருந்த டென்னிஸ் அரங்கில், புதிதாக ஒரு பெயர் ஒலிக்கத் தொடங்கியிருக்கிறது. அது, கார்லோஸ் அல்கராஸ். அண்மையில் நடந்து முடிந்த விம்பிள்டன் கிராண்ட் ஸ்லாம் போட்டியில் சாம்பியன் பட்டம் வென்று அசத்தியிருக்கிறார்.

20 வயதேயான கார்லோஸ் தனது அசாத்திய திறமையால் டென்னிஸ் உலகின் கவனத்தைத் தன் பக்கம் திருப்பியிருக்கிறார். ‘தனித்துவமான வீரராக கார்லோஸ் உருவெடுத்திருந்தாலும், ஃபெடரர், நடால், நான் என எங்கள் மூன்று பேரின் கலவை இவர்’ என நோவக் ஜோகோவிச் புகழாரம் சூட்டியிருக்கிறார்.