பரத் பேட்டி: காதல் வேறு.. திருமண வாழ்க்கை வேறு!

பரத் நடிப்பில் 50வது படமாக வெளிவரவிருக்கிறது ‘லவ்’ திரைப்படம். 20 வருடங்களுக்கு முன் ஷங்கரின் அறிமுகமாக ‘பாய்ஸ்’ படத்தில் அறிமுகமான பரத், தனது திரைப் பயணத்தைத் திரும்பிப் பார்த்து அளித்த பேட்டியிலிருந்து ஒரு பகுதி..

இந்த 20 வருட திரைப் பயணம் உங்களுக்கு என்ன மாதிரியான உணர்வுகளைக் கொடுத்திருக்கிறது? - ஐம்பதாவது படம் என்பது எனக்கு மிகவும் ‘ஸ்பெஷ’லான ஒரு தருணம். இந்த இருபது ஆண்டுகளில் பல மேடு பள்ளங்களைச் சந்தித்திருக்கிறேன். வெற்றியும் தோல்வியும் மாறி மாறி வந்திருக்கின்றன.