அந்த நாள் ஞாபகம்: நான் நிராகரிக்கப்பட்டேன்! 

தன் மீது சுமையாக ஏற்றிவைக்கப்பட்ட கவர்ச்சி முத்திரையை ஒரு கட்டத்தில் தனது குணச்சித்திரப் பரிமாணத்தால் துடைத்தெறிந்த நட்சத்திரம் சில்க் ஸ்மிதா. இறந்து 26 ஆண்டுகள் ஆனபிறகும் அவரது நினைவு நாள், பிறந்த நாள் வரும்போதெல்லாம் #சில்க்ஸ்மிதா என்கிற ஹாஷ்டேக் ட்ரெண்ட் ஆகிவிடுவதே அவர் உருவாக்கிச் சென்றிருக்கும் அபிமானத்துக்குச் சாட்சி. அவரை 1995இல் சந்தித்து நட்சத்திரன் எடுத்த பேட்டியின் ஒரு பகுதி இது.

“மிகவும் எளிமையாக உடை அணிவதுதான் எனது இயல்பு. ஷூட்டிங் நேரத்தைத் தவிர மேக்கப்பும் போட்டுக்கொள்ளமாட்டேன். இப்போ நான் கவர்ச்சிக் கன்னியாகப் பெயரெடுத்து விட்டேன். ஆனால், என் பெற்றோர் பழமையில் ஊறினவங்க. நான் சினிமாவில் நடிப்பதிலேயெல்லாம் அவங்களுக்கு இஷ்டமேயில்ல.