திண்ணைப் பேச்சு 06: மீசை இருப்பதால் விரால் மீனுக்கு வீரம் வந்துவிடுமா?

ராணுவத்திலிருந்து ஓய்வுபெற்ற ஹவில்தார் ஒருவர் எங்கள் கிராமத்தில் இருந்தார். அவரது மீசையிலும் ஒரு ராணுவ ஒழுங்கு துலங்கும். ‘ஆர்மியில் எனக்கு மீசை அலவன்ஸ் கொடுத்தார்கள் தெரியுமா?’ என்று பெருமையாகச் சொல்லிக்கொள்வார்.

“மீசையைக் கத்தரித்து, சீவிச் சிங்காரிப்பது ஒரு சள்ளை பிடித்த வேலை. ஆனால், அதிகாரிகளுக்கு முன்னால் நான் சல்யூட் அடித்து நிற்கும்போது உங்க மீசையும் அட்டென்ஷனில் நிற்குது பிரதர் என்று நண்பர்கள் சொல்லும்போது பெருமையாக இருக்கும்!” என்பார்.